Home » ઈસ કે સિવા જાના કહાં

ઈસ કે સિવા જાના કહાં

by Jaywant Pandya

જયવંતની જે બ્બાત
ભાવનગરની પ્રણવ બક્ષી વિનય મંદિર જે શિશુવિહાર તરીકે વધુ જાણીતી છે તેમાં દેશભક્તિનાં ગીતોની સ્પર્ધા હતી. હું તે વખતે કદાચ નવમા ધોરણમાં (ઈ.સ. ૧૯૮૮) હોઈશ. મેં ભાગ લીધો. ‘મેરે દેશ કી ધરતી’ કે ‘કર ચલેં હમ ફિદા’ જેવાં વધુ જાણીતાં ગીતો ગાવા કરતાં કંઈક હટકે ગાવાનું વિચાર્યું. મેં ‘જીના યહાં મરના યહાં ઈસ કે સિવા જાના કહાં’ ગીત પસંદ કર્યું. આ ગીત પ્રચલિત અર્થમાં દેશભક્તિનું નથી, પણ દેશભક્તિના અર્થમાં જુઓ તો મારા મનને તો એ દેશભક્તિનું જ લાગ્યું. આપણને નસીરુદ્દીન કે આમીર ખાન જેવું નહીં કે સમસ્યાઓ હોય એટલે દેશ છોડી ભાગી જવાનું મન થાય. ઈસ કે સિવા જાના કહાં…

સૌરાષ્ટ્ર સમાચાર હોય કે દિવ્ય ભાસ્કર, કે ગુજરાત સમાચાર, શ્રી ઉમેશ શાહ, મિત્ર ગૌરાંગ વૈદ્ય કે શ્રી મુકુંદ પંડ્યા જેવા સાથીઓ સાથે ગીત ગાતાં કામ કરવાની મજા પડતી.

કટ ટુ ૨૦૦૯. મારા સસરા પૂ.કનૈયાલાલ દવેએ સુરેન્દ્રનગરમાં ભાગવત કથા યોજેલી. તેમાં રાત્રે આધ્યાત્મિક અર્થ સમજાવીને દર્દ-એ-દિલ અૉરકેસ્ટ્રા સાથે ગાયેલું.

કટ ટૂ ૨૦૧૯. કરાઓકેના વિડિયો યૂટ્યૂબ પર આવવા લાગ્યા અને સ્ટારમેકરથી લઈ અનેક એપ પણ આવી તે પછીથી એક ઈચ્છા હતી કે સ્ટેજ પર કરાઓકે કે અૉરકેસ્ટ્રા સાથે ગીત ગાવું છે. હમણાં ગયા શનિવારે (૧૯ જાન્યુઆરીએ) અપંગ માનવ મંડળમાં પ્રકાશ જાડાવાલા ‘પ્રજા’ સહિત મિત્રોના જન્મદિનની ઉજવણી દિવ્યાંગ બાળકો વચ્ચે હતી. ‘સંદેશ’ ચેનલની ડિબેટ પતાવી સીધો ત્યાં ગયો. કાર્યક્રમમાં મિત્ર Nilesh Dholakia એન્કર. તેમને વિનંતી કરી ને એ પૂરી થઈ. કોઈ રિહર્સલ વગર ‘પડોશન’નું ‘કહના હૈ’ ગીત જેવું આવડ્યું એવું ગાયું.

આ લેખ આપને ગમ્યો? આ વેબસાઇટ પર આવા લેખો વાંચવા મળતા રહે તે માટે સપૉર્ટ કરો.
અહીં ક્લિક કરો.

You may also like

Leave a Comment