Home » સિતારાદેવીની એ અંતિમ બે ઈચ્છા નરેન્દ્ર મોદી પૂરી કરશે?

સિતારાદેવીની એ અંતિમ બે ઈચ્છા નરેન્દ્ર મોદી પૂરી કરશે?

by Jaywant Pandya

એ સમય દૂરદર્શનનો હતો. એક જ ચેનલ આવે. એમાં જે બતાવે તે જોવું પડે. ત્યારે તેમાં હમલોગ, ચિત્રહાર જેવા કાર્યક્રમો, રૂકાવટ કે લિયે ખેદ હૈ જેવો સંદેશ, સાત રંગના પટ્ટા, ૧૧ વાગ્યે ચેનલનું પ્રસારણ બંધ થઈ જાય તેવું ન ગમતું. રવિવારે ફિલ્મ પહેલાં અડધો કલાક સતત જાહેરખબર આવે તો કંટાળો આવતો, પણ આજે એ બધું સારું લાગે છે! આજે ફિલ્મ કે સિરિયલમાં વચ્ચે વચ્ચે જે જાહેરખબરનો મારો આવે તેની સાપેક્ષમાં દૂરદર્શનનો જમાનો સારો લાગે. વળી, સિરિયલો પણ હથોડા છાપ, એક સરખી! પણ એક માત્ર ચેનલ હોવા છતાં દૂરદર્શનના કાર્યક્રમોમાં કેટલી વિવિધતા હતી? ભારતીય સંસ્કૃતિની એક અજબ સુગંધ હતી તેના કાર્યક્રમોમાં. રાત્રે મોટા ભાગે ૧૦ કે ૧૦.૩૦ વાગે ભારતીય નૃત્યોના વિવિધ કાર્યક્રમો આવે. તેમાં ક્યારેક ઓડિશી નૃત્ય હોય તો ક્યારેક ભરતનાટ્યમ્, તો વળી ક્યારેક કથ્થક હોય…

આવો જ કથ્થક નૃત્યનો એક કાર્યક્રમ જોયેલો. તુલસીદાસ રચિત ‘ઠુમક ચલત રામચંદ્ર’ ભજન પર નૃત્યાંગના એવા હાવભાવ ભજવી બતાવતા જાણે કે કૌશલ્યા અને બાળ પ્રભુ શ્રી રામ વચ્ચે એક જાતની રમત ચાલી રહી છે, ક્યારેક કૌશલ્યા રામને પકડવા દોડે અને રામ દોડે ત્યારે પૈજનિયા એટલે કે ઝાંઝરનો અવાજ આવે. તો ક્યારેક કૌશલ્યા રામના હાથમાંથી પોતાની સાડીનો છેડો છોડાવી દોડે અને આપણી આંખો સમક્ષ એ દૃશ્ય તાદૃશ્ય થાય કે પ્રભુ શ્રી રામ માતાને પકડવા પાછળ દોડ્યા હશે તો વળી માતા શ્રી રામને પોતાના કંધોલા અથવા ખભા પર બેસાડી દે. એ નૃત્યાંગનાનું નામ હિન્દી ફોન્ટ અથવા દેવનાગરી લિપિમાં લખેલું આવેલું. આજે તો ટીવી કાર્યક્રમોમાં નામાવલિ આવે તેમાં હિન્દી જોવા માટે આંખ તરસી જાય! ૨૦૦૦ની સાલ પછી તો જાણે અંગ્રેજીકરણ જ સાર્વત્રિક થઈ ગયું. થેંક્સ ટૂ ઇન્ટરનેટ રિવોલ્યૂશન કે તમે આ વેબસાઇટ ગુજરાતી ભાષામાં વાંચી રહ્યા છો, બાકી તો આપણા ગુજરાતી છાપાંઓ પણ ગુજરેજીમાં જ આવે છે, લિપિ પણ રોમન ને આંકડા પણ! તો એ હિન્દી ફોન્ટમાં લખાયેલું નામ હતું, સિતારાદેવીનું!

કટ ટૂ ઇન્ટરનેટ એજ. યૂટ્યૂબ આવ્યા પછી ઘણા જૂના વિડિયો ને ઘણું બધું તેમાં જોવા મળે છે. યૂ ટ્યૂબ પર એક બહૂ જૂની, ચોક્કસ કહું તો વર્ષ ૧૯૫૧ની ફિલ્મ ‘હલચલ’નાં ગીતો મૂકાયેલાં છે. તેમાં એક ડાન્સ સિક્વન્સમાં પાશ્ચાત્ય કપડાંમાં એક યુવતી બોબ્ડ કટ હેર સાથે પાશ્ચાત્ય નૃત્ય કરે છે. એ યુવતી પણ સિતારાદેવી જ!

વધુ વાંચવા ક્લિક કરો:

newsofgujarat.com/news.php?id=10566

 

You may also like

Leave a Comment

Your donation can help this website keep running. Please donate from ₹ 10 to whatever you want.